Baroniet i Rosendal

Slik som dette såg det ut på Baroniet for nokre månadar sidan.

Alle bileta i kollasjen er tatt med mobilkamera, og justert litt i 

photoshop. Eg posta vel alle desse på instagram kort tid etter 

eg hadde vore der. Ein krisp og fin vinterdag, fuglane kvitra allereie då.

Og det gjorde dei jaggu i dag og. 

Eg vert alltid så forbløffa over å koma inn

i Baroniparken. Dei sirleg snirklande vegane

mellom evigstore tre og vakre dammar og grasplettar.

I dag var eg innom på grunn av arbeid. 

I morgon opnar dei for sesongen,

og det var hektisk på alle som jobba der.

Eg tok meg tida til å knipsa litt for min

eigen del og, når eg først var der.

K v i f o r  er eg der ikkje meir?!

*

... til dømes for å nyta synet av denne flotte fontena.

*

Eller berre for å mysa i hagen, for der er det jaggu mykje deilig å kvila augo på...

*

... hagecafeen er jo og ein draum...

*

Og så den biten som ein stort sett ikkje får høve til å oppleva på 

den måten eg gjorde i dag. Ein tur innom sauene og deira

- til no - 215 mjuke lam. Gurimalla so nydelege.

Vaktmeister Helge Løyning med eit lam av gammalnorsk sauerase

*

Ja, og so var eg inni slottet. I den raude og i den gule sal.

Fekk innsideinformasjon om både flygelstemming og om

kunst og harmoni og møblar og andre polerte detaljar. 

Steiki kor flott eg har det. 

Magnus Bjørlo Lysbakken - ein av 65 autoriserte pianostemmarar i landet - stemmer flygelet i den raude sal.

*

© Jorun Larsen