Reisefeber

Det er ikkje lenge igjen før eg skal ha mi første reise til Frankrike,

nærare bestemt Nice. Eg hadde lova meg litt 

reising til 30års-året mitt, og då høvde det fint

å finna ein billigtur som eg kunne hoppa på. 

Alt klaffa. Perfekt.

Og det FØR eg fyller år. Jøsses.

Eg veit ikkje heilt kva som eigentleg dreg i meg

når det gjeld reiser. Har ikkje reist så mykje til no

i livet, men historie har lenge fascinert meg.

Eg trur det er difor. Og for å læra andre

kulturar å kjenna. 

I mitt arbeid som frilanjournalist har eg moglegheita til

å treffa all slags menneske, med all slags historier å fortelja.

Eg merkar at menneska gjer inntrykk på meg.

Mange av historiane er så fjernt frå mi eiga historie, og det eg kjenner til.

Litt sprøtt at det er så store skilnadar. 

*

Ei heilt anna historie vart fortalt når eg reiste til Beograd i Serbia sist sommar. 

Eit bryllup skulle dokumenterast. Supergøy (og veldig varmt)!

Eg måtte også knipsa litt frå Serbia. Eit land som i mine auge

var fullt av kontrastar. Bygg som var bomba i hel av så presise bomber at

berre halvparten av bygget stod i gjen. 

Fattige i utkanten av byen, dei rike meska seg i den indre sirkel.

Og nokre av dei finaste stadene fekk me oppleva gjennom vielsen.

Sjølve ja'et kom i den norske ambassanden. 

Eit praktfullt bygg med søyler og stor planterikdom i hagen.

Kalemegdan - festningen der bryllupsbileta vart tatt. 

Med utsikt over samlingspunktet til elvene Donau og Sava.

Festningen er over 2000 år.

Og våre små utflukter - gøymte restaurantar med dei vakraste kulissane

og gestene. Ein av restaurantane hadde faktisk kulissar, bygd opp mellom

motorvegar, i ei isolert dump. Med chapagne og mote-tv på toalettet. 

I tillegg til handkremar og andre hygieneartiklar. Roseblad i vasken og 

ei statue av ein halvnaken mannskropp.

*

Serbisk landskap

Arkitektorisk dekor

Velkommen inn??

Inne!

Ein benk i Kalemegdanparken

Sigarskap i ein av dei innhaldsrike butikkane

Gateseljarar og graffiti - ein stor del av handlegata

Ein av ambassadane hadde denne entreen

Kulissar å forelska seg i. Bakom denne flotte kulissen var det ein lydisolerande vegg rett mot motorvegen.

Arkitektur i arkitektur

Ein av grunnane til at eg har vore i Beograd. Her i presidentsuiten på hotellet.

Vakkert på den norske ambassaden i Beograd

Fotografering ved den 2000 år gamle festningen Kalemegdan. Å gid de lenge, lenge leve må!

*

No gler eg meg veldig til å reisa til Nice. Spent på kva som kjem til å forbløffa meg der. 

*

© Jorun Larsen